കുവൈറ്റ് സിറ്റി: കേരള ആർട്ട് ലവേഴ്സ് അസോസിയേഷൻ, കല കുവൈറ്റ് അംഗമായിരിക്കെ നിര്യാതനായ കോട്ടയം തിരുവഞ്ചൂർ സ്വദേശി സുരേഷിൻ്റെ കുടുംബത്തിനുള്ള ക്ഷേമനിധി തുക കൈമാറി. കോട്ടയം സിപി ഐ (എം) ജില്ലാ കമ്മറ്റി ഓഫീസിൽ വെച്ച് നടന്ന ചടങ്ങിൽ സിപി ഐ (എം) ജില്ലാ സെക്രട്ടറി സ.എ.വി.റസ്സൽ സുരേഷിൻ്റെ ഭാര്യ ശ്രീലേഖ സുരേഷിന് തുക കൈമാറി. സിപി ഐ (എം) ജില്ലാ കമ്മറ്റി അംഗം സ.പ്രശാന്ത് , കേരള പ്രവാസി സംഘം ജില്ലാ സെക്രട്ടറി സ.അജിത് നാട്ടകം , കേരള പ്രവാസി സംഘം ജില്ലാ ട്രഷറർ സ. സി. ജോർജ്, എൻ.അജിത് കുമാർ ( പ്രവാസി വെൽഫയർ ബോർഡ് ഡയറക്ടർ ) തുടങ്ങിയവർ ചടങ്ങിൽ പങ്കെടുത്തു.