ഗൃഹാങ്കണ പുസ്തകാസ്വാദനം സംഘടിപ്പിച്ചു.
കുവൈറ്റ് സിറ്റി: കേരള ആർട്ട് ലവേഴ്സ് അസോസിയേഷൻ - കല കുവൈറ്റ് സാൽമിയ മേഖല കമ്മിറ്റിയുടെ ആഭിമുഖ്യത്തിൽ നടന്നുവരുന്ന ഗൃഹാങ്കണങ്ങളിലെ പുസ്തകാസ്വാദന പരിപാടിയുടെ ഭാഗമായി റിഗ്ഗയ് കെ ആർ എച്ച് യൂണിറ്റ് ഡോ: എ പി ജെ അബ്ദുൾകലാമിന്റെ അഗ്നിച്ചിറകുകൾ എന്ന പുസ്തകത്തെ ആസ്പദമാക്കി നടത്തിയ പുസ്തകാസ്വാദനം സാഹിത്യ വിഭാഗം സെക്രട്ടറി മണികണ്ഠൻ വട്ടക്കുളം ഉദ്ഘാടനം ചെയ്തു. വിനോദ് കെ ജോണിന്റെ വസതിയിൽ നടന്ന പരിപാടിയിൽ ജോയിന്റ് കൺവീനർ ജിഷ്ണു മോഡറേറ്ററായി പ്രവർത്തിച്ചു. യൂണിറ്റ് അംഗം ഹരികുമാർ പുസ്തകാവതരണം നടത്തി. തുടർന്ന് നിരവധിപേർ ചർച്ചയിൽ പങ്കെടുത്തു. സാൽമിയ മേഖല പ്രസിഡന്റ് അബ്ദുൾ നിസാർ, മേഖല സെക്രട്ടറി അൻസാരി കടയ്ക്കൽ, മേഖല കമ്മറ്റി അംഗങ്ങളായ സന്തോഷ് രഘു, ജിജുലാൽ, അനസ്, ഷാജു വർഗീസ്, മാതൃഭാഷ സമിതി ജനറൽ കൺവീനർ വിനോദ് കെ ജോൺ എന്നിവർ പരിപാടിയിൽ പങ്കെടുത്ത് സംസാരിച്ചു. യൂണിറ്റ് കൺവീനർ ജലീൽ സ്വാഗതം പറഞ്ഞ ചടങ്ങിന് ജിഷ്ണു നന്ദി രേഖപ്പെടുത്തി.